சேலம் பொன்னம்மாபேட்டை சவுடேஸ்வரி அம்மன் கோவில் கும்பாபிஷேக விழா
நன்றி : dailythanthi.com/News/Districts/2016/01/23005806/Ponnammapettai-Cavutesvari-Amman-Temple-Kumbabishega.vpf
சனி, ஜனவரி 23,2016 அன்று சேலம் பொன்னம்மாபேட்டை ராமலிங்க சவுடேஸ்வரி அம்மன் கோவில் கும்பாபிஷேக விழா நடைபெற்றது.
கும்பாபிஷேகம் :
சேலம் பொன்னம்மாபேட்டையில் உள்ள ராமலிங்க சவுடேஸ்வரி அம்மன் கோவிலில் கும்பாபிஷேக விழா கடந்த 17-ந் தேதி தொடங்கியது. இதையொட்டி, கோவிலில் தினமும் சிறப்பு பூஜைகள் நடந்தது. மகா கும்பாபிஷேக விழா தயானந்தபுரி மகராஜ் சுவாமிகள் தலைமையில் நடந்தது. இதில் ஏராளமான பக்தர்கள் கலந்து கொண்டனர்.
கும்பாபிஷேக விழாவை முன்னிட்டு, நேற்று காலை 6 மணிக்கு அம்மனுக்கு அபிஷேகம், மூலஸ்தான புஷ்ப அலங்காரம் செய்யப்பட்டது. இதைத்தொடர்ந்து, கங்கணம் கட்டுதல் மற்றும் சக்தி அழைத்தல், திருமஞ்சன ஊர்வலம் நடைபெற்றது.
கத்தி போட்டு நேர்த்திக்கடன் :
இதையடுத்து, வீரகுமாரர்கள் கத்தி போட்டு நேர்த்திக்கடன் செலுத்தும் நிகழ்ச்சி கோவிலில் தொடங்கியது. வீரகுமார்கள் உடலில் கத்தி போட்டுக் கொண்டே முக்கிய வீதி வழியாக சென்று மீண்டும் கோவிலை சென்றடைந்தனர். இன்று(சனிக்கிழமை) காலை 8 மணிக்கு ராமலிங்க சவுடேஸ்வரி அம்மன் கோவிலுக்கு பாத்தியப்பட்ட ஆற்றோரம் பொன்கணபதி ஆலயத்தில் இருந்து சாமுண்டி அழைத்தலும், திருமஞ்சன ஊர்வலமும் நடைபெறுகிறது.
மேலும், கும்பாபிஷேக விழாவையொட்டி, கோவிலில் பட்டிமன்றம், சொற்பொழிவு, பொம்மலாட்டம், நாடகம் உள்ளிட்ட கலைநிகழ்ச்சிகள் நடைபெறுகிறது. இந்த விழா வருகிற 25-ந் தேதி வரை நடக்கிறது. இதற்கான ஏற்பாடுகளை திருவிழா குழுவினர் செய்து வருகின்றனர்.
