காங்கயம் சவுடேஸ்வரி அம்மன் கோவில் சித்திரைப் பொங்கல் திருவிழா
நன்றி : dinamani.com/latest-news/2013/may/01/காங்கயம்-சவுடேஸ்வரி-அம்மன்--25501.html
நாள் : 01st May 2013
காங்கயத்தில் உள்ள ஸ்ரீ சவுடேஸ்வரி அம்மன் கோவில் சித்திரைப் பொங்கல் திருவிழா இன்று நடைபெற்றது.
காங்கயம் பேருந்து நிலையம் அருகே உள்ள தேவாங்கபுரம் சவுடேஸ்வரி அம்மன் மற்றும் மாரியம்மன் கோவில் திருவிழா கடந்த ஞாயிற்றுக்கிழமை கொலு வைத்தல் நிகழ்ச்சியுடன் துவங்கியது. திங்கள்கிழமை மாரியம்மனுக்கு கம்பம் நடுதல் நிகழ்ச்சியும், செவ்வாய்க்கிழமை பால் குடம் எடுத்து வந்து அம்மனுக்கு செலுத்தும் நிகழ்ச்சியும் நடைபெற்றது.
இன்று பழையகோட்டை சாலையில் உள்ள காசி விஸ்வநாதர் ஆலய குளக்கரையில் இருந்து பூவோடு எடுத்து வந்து மாரியம்மனுக்கு செலுத்தப்பட்டது. இந்த நிகழ்ச்சியின்போது, ஏராளமான பக்தர்கள் அலகு குத்தி வந்து நேர்த்திக் கடன் செலுத்தினர். பக்தர்களின் சிலம்பாட்டம் நிகழ்ச்சியும், மாலையில் மாவிளக்கு வழிபாடும் நடைபெற்றது.
வியாழக்கிழமை சவுண்டம்மனுக்கு சிறப்பு அலங்காரம் செய்யப்பட்டு, சிம்ம வாகனத்தில் திருவீதி உலா நடைபெறவுள்ளது. பஜனை மடம் கிழக்கு வீதியில் வீதிஉலா துவங்கி, புதுவினாயகர் வீதி, சுபாஷ் வீதி, திருவள்ளுவர் வீதி, புலிமா நகர், கார்த்திகை நகர், காந்தி நகர் வழியாக வந்து நிறைவடையும்.
Image:
Categories:
