சத்தாபரணம்:-
சத்தாபரணம் என்பது விழாவின் நிறைவு நாளில் இறைவனை இறைவியை போற்றும் விதத்தில் வண்ண வண்ண பூக்களால் மிக அழகாக கண்ணை கவரும் வகையில் அமைக்கப்படும் மலர் விமானம். இந்த மலர் விமானங்கள் இப்பொழுது மின்விளக்குகளாலும் அலங்கரிக்கப்படுகிறது. சத்தாபரணம் என்பதன் விளக்கம் இறைவனை இறைவியை சகலவித ஆபரணங்களால் அலங்கரித்து செய்யப்படும் ஊர்வலம் ஆகும். நம் குல தெய்வமாகிய ஸ்ரீ சவுடேஸ்வரி தேவியை சகலவிதமான ஆபரணங்களை கொண்டு அழகுபடுத்தி அழகுற வடிவமைக்கப்பட்ட மலர் விமானத்தில் முக்கிய வீதி உலா கொண்டு செல்லப்படும் ஒன்குறாம். நம் சவுடேஸ்வரி கோவிலில் நடைபெறும் விழாக்களின்போது பெருவிழாவின் மற்ற நாட்களை விட அதிகப்படியான ஆபரணம் அணிவித்து அம்மனை எழுந்தருள செய்து விழா பந்தலில் இருந்து சத்தாபரண ஊர்வலம் புறப்படும். சத்தாபரணம் ஊர்வலத்தின் போது சிறந்த நாதஸ்வர இசைகலைஞர்களாலும் தவில் வித்துவான்களாலும் ஊர்வலத்தில் மங்கள இசை இனிதே சேர்க்கப்படும். சத்தாபரணம் ஊர்வலத்தின் போது கண்களை மயக்கும் வாணவேடிக்கை நடத்தப்பட்டடு விழா மெருகேற்கப்படும். சத்தாபரணம் ஊர்வலம் நகரின் முக்கிய வீதிகள் வழியாக வீதி உலா சென்று விழா செட்டிமைகாரர் வீட்டை சென்றடைவது வழக்கம்.
Image:
Categories:
